khamoshi...!!!

khamoshi... kaash tu meri mehbooba hoti

to dil ki dhadkan seene mei hi paibast hoti

na tum mujhse kucch kehti, na mai tumse kucch kehta

bus isharon - isharon mei hi zindagi jawaan hoti

na paane ka gumaan hota, na  hi khone ka bharam hota

 milke ke bhi na tumse milta

bicchad ke bhi na tum mujhse bichhadti

kucch aur na sahi, kam se kam

ghame ulfat ka soz bina tumhe dikhaye ya bataye

chand siskiyon  mei hi sahi, akele hi see leta

khudi ke bojh tale daba pada ye aashique

na tumse kabhi milta, aur na hi tum mujhse kabhi milti

bus ankhon-hi-ankhon mei mohabbat hairan hoti

khud se bina chhipaye aur kisi se bina bataye

thoda tum ro leti, thoda mai ro leta

 shayad tum thoda hus leti,  shayad mai  thoda hus leta

jo kabhi na shuru ho saki

wo kahani kabbhi khatam to na hoti

tumse be-wajah, be- sabab baat karne ki uljhan to na hoti

zindagi aur maut ki kashmakash  mei

har lamha, taah-umr meri bojhal saanse

bus tumhari aks ki maujudgi mei hi apni zindagi fanaa karti

kaash... khamoshi.. tu meri mehbooba hoti