ye jo beh raha hai samay sa...

ye jo beh raha hai samay sa kal tumko, mujhko, sabko 

  aateet ki gehrayion mein dubo jaayega
wahi kahin sab pade honge aviral shoonya mein- unbol, unsune

 aor bhoot, vartmaan, evam bhavishya ke antar  ki
 saari gan-naon ki mrityu mein
sabbhi ko shokakul kar jaayega

reh jaaenge to bus kucch sulagte jazbaat

jo geele mann ki aahat mei
siskiyaan le rahe honge kahin

aor kaal ki chaadar ki
  khushq nami paakar wahin kahin
hamesha ke liye sso jayegein

akankshayein thithur ke keh rahi hongi

kaash kaal ke parimaad mei 

dhoop thoda aur khili rehti to shaayad ek aor

 husrat ki kopal  jeevit mann mei ug jaati
aur kaal ke roodan shankh-naad
 mei bhi vibhor geet suna,  jarjar mann ko jhankrit kar jaati

kaal chakra nij-veg mein aayega aur  bina kahe ya sune 

 sab kucch aateet ke nirjan kshetra mei vilupt kar jaayega

aor jaate jaate ahankaari Raavan ki atta-haasi
 swar mein "jeevan" ya swayam "samay"
 ke jeevit hone ke prashn ka kshobh-mukut

 sabko pehna kar jaayega.