duniya ke is mele mei
bina matlab ke is rele mei
rakh dukkho ki gathri ko thele mei
aor ja baith ghodo ke tabele mei
aor keh khud se akele mei
kya padna sukh dukh ke jhamele mei
kya tera hai kya mera hai
yeh ishwar ki leela hai
agar, lekin, kintu, parantu- inhi shabdo ne hi bigaada saara khel hai
yeh mithya ki leela hai
aor isi mithya ki leela ne chheena sab ka chain hai
rona bilakhna vyarth hai
aor thahaka lagana bhi gaud hai
to kya aakaar prakaar dena un chhezo ko
jo sada se rahi nirjeev hain
tum jiyo is baat ke saath jiyo
ki jeevan swayam mei hi sajeev hai
to kaat do bediya
aor kaho ki mai aazaad hun
har haal mei bhi aabaad
mai kyun kar pareshan houun
mai to aadamzaad hun
ishwar ki banayi
sarwashreshtha rachna ka pramaan hun
No comments:
Post a Comment